ရည်းစားဟောင်းနဲ့ပြန်ဆုံရင် ဘယ်လိုရင်ဆိုင်ရမလဲဆိုတဲ့အတွေးက လမ်းခွဲပြီးသားချစ်သူစုံတွဲတွေရဲ့အတွေးထဲမှာ မကြာခဏဝင်ရောက်နေတတ်ပါတယ်။ပြတ်စဲပြီးသားရည်းစားနဲ့လမ်းမှာပြန်တွေ့တဲ့အခါ တစ်ချို့ကတော့ ခပ်တည်တည်ပဲရှောင်သွားကြပြီး တစ်ချို့ကတော့ စကားပြောနှုတ်ဆက်လေ့ရှိတယ်။တစ်ချို့ကတော့ရည်းစားဟောင်းအရိပ်အယောင်မြင်တာနဲ့ ရင်တုန်ပြီး ထွက်ပြေးတတ်ကြပါတယ်။



သိထားရမှာကလောကကြီးက ကျဉ်းကျဉ်းလေးပါ။ တစ်ကွေ့မဟုတ် တစ်ကွေ့တော့ပြန်ဆုံ
ရတတ်ပါတယ်။ကံကောင်းစွာနဲ့ သင့်ရဲ့ရည်းစားဟောင်းနဲ့ပြန်ဆုံတွေ့ရင်အေးအေးဆေးဆေးနဲ့နှုတ်ဆက်နိုင်အောင်၊ရည်းစားဟောင်းကိုအလှပဆုံးပြုံးပြနှုတ်ဆက်နိုင်မယ့် နည်းလမ်းလေးတွေကိုရှာတွေ့ထားပါတယ်။


၁)ကြိုတင်စဉ်းစားထားပါ
လမ်းခွဲပြီးပြီ၊အချိန်ကာလလည်းအတော်အတန်ကြာပြီဆိုရင်တော့ သင့်ရည်းစားဟောင်းနဲ့ မျက်နှာချင်းဆိုင်တွေ့ဖို့အဆင်သင့်ဖြစ်ပြီလားစဉ်းစားပါ။တကယ်လို့များလမ်းမှာ မတော်တဆဆုံခဲ့ရင် ဘာပြောမလဲ၊သူကရော ဘာပြောမလဲပေါ့။နည်းလမ်းကတော့ ရည်းစားဟောင်းရှေ့ကနေအယဉ်ကျေးဆုံးရှောင်ထွက်နိုင်ဖို့ ယေဘူယျတဲ့မေးခွန်းလေးတစ်ချို့ကိုစဉ်းစားထားပါတဲ့။ လေ့ကျင့်ထားပါ။အလေ့အကျင့်ရှိတော့ ရုတ်တရက်ဆုံလာရင်တောင် နေသားကျပါလိမ့်မယ်။ဥပမာ ဘာတွေလုပ်နေလဲ၊အလုပ်လုပ်ရတာအဆင်ပြေလားဆိုတာမျိုးပေါ့။လမ်းခွဲတာနဲ့ပတ်သက်ပြီး
ဘာမှမဆက်စပ်မိတဲ့မေးခွန်းဆို ပိုပြီးကောင်းပါတယ်။



၂)မပုန်းပါနဲ့။အရင်ဆုံး စနှုတ်ဆက်ပါ

Say hello first! ရည်းစားဟောင်းနဲ့တွေ့တဲ့အခါ သင့်ကိုယ့်သင်မရှိသလို ပုန်းနေဖို့မလိုပါဘူး။အရေးကြီးတာက စိတ်ကို သေချာငြိမ်အောင်ထားဖို့ပါပဲ။ ရည်းစားဟောင်းနဲ့တွေ့လို့ စိတ်လှုပ်ရှားပြီးအယောင်ယောင်အမှားမှားဖြစ်နေရင် သူ့ဘက်က သင်ကသူ့အပေါ် ခံစားချက်တွေကျန်နေသေးမှန်းသိသွားပြီးသင့်ကိုအားနာသလိုလုပ်ရင် ဒါကသင့်ကိုပိုပြီး ခံစားရဆိုးစေပါတယ်။


၃)တိုတိုနဲ့ချိုသာတဲ့စကားပြောပါ

သူနဲ့တွေ့ရင်ဘာပြောရမလဲ၊ဘာမေးရမလဲ ကြိုတင်မစဉ်းစားထားဘူးဆိုရင်တော့ ဒီနည်းလမ်းကို သုံးပါ။”နှုတ်ဆက်ပါ။ဘာတွေလုပ်နေလဲ၊ဘာညာစကားစမြည်ပြောပြီး ကောင်းမွန်တဲ့ စကားတစ်ခုခုနဲ့ နှုတ်ဆက်ပြီးရှောင်ထွက်ပါ”။ဘယ်သူမှ ရည်းစားဟောင်း နဲ့အကြာကြီး စကားပြောရမှာ နှစ်သက်မယ်မထင်ပါဘူးနော်။



၄)ရည်းစားဟောင်းနဲ့ ဘားတို့၊ပါတီတို့မှာတွေ့လာရင်…

ကဲ ကဲ ရည်းစားဟောင်းနဲ့ဘားတွေ၊ပါတီတွေမှာဆုံလာရင်အရက်ကိုအမုန်းသောက်မယ် ၊ကဲမယ်ဆိုတဲ့စိတ်ကူးကိုဖျက်လိုက်ပါတော့။အရက်က စိတ်ခံစားချက်ကိုထွေပြားစေပါ တယ်။ပြီးတော့စိတ်ဓာတ်ကိုလည်းပျော့လာစေပါတယ်။သူက သောက်ဖို့အဖော်စပ်ရင်တောင် ချိုချိုသာသာငြင်းပြီးရှောင်ပါ။


၅)လေးစားမှုရှိပါ

တကယ်လို့များကိုယ့်ရည်းစားဟောင်းက တစ်ခြားတစ်ယောက်နဲ့ပလူးပလဲနေတာကိုမြင်ခဲ့ရင် သဝန်တိုစိတ်နဲ့ ဘာမှမတုံ့ပြန်မိပါစေနဲ့။ရည်းစားဟောင်းဆိုတာကိုအမှတ်ရပါ။ ကိုယ့်ကိုထားခဲ့တဲ့ရည်းစားဟောင်းကြောင့် ဒေါသထွက်နေရင် နှစ်ခါရှုံးတာပါပဲ။ကိုယ့်ရှေ့မှာ ဘယ်သူနဲ့ပဲ Q နေ Q နေ လေးစားမှုနဲ့အယဉ်ကျေးဆုံးဆက်ဆံပြုမူပါ။ဒါက ကိုယ့် Role ကိုယ်မြှင့်တဲ့သဘောပါပဲ။



၆)ကိုယ့်ကိုယ့်ကိုယ် ယုံကြည်မှုရှိပါ

ရည်းစားဟောင်းနဲ့တွေ့တဲ့အခါ ရင်တွေပရမ်းပတာခုန်ပြီး ချွေးစီးလက်စီးတွေထွက်၊ဘာလုပ်ရမှန်း မသိဖြစ်မနေပါနဲ့။ကိုယ့်ကိုယ့်ကိုယ်ယုံကြည်မှုရှိပါ။သူထားခဲ့တာဘာကြောင့်ပဲဖြစ်ဖြစ်၊လမ်းခွဲခဲ့တာဘာကြောင့်ပဲဖြစ်ဖြစ် ကိုယ်က ကိုုယ့်ဘဝထဲမှာ ဘုရင်မပါ။ဒါကိုမမေ့ပါနဲ့။ ယုံကြည်မှုရှိရှိနဲ့ပြောဆိုပြုမူပါ။

ရည်းစားဟောင်းနဲ့တွေ့တဲ့အခါအဆင်ပြေပြေဖြတ်ကျော်နိုင်ပါစေနော်