လူတိုင်းဘယ်သူမဆို နှစ်ဦးအတူနေရင်ပဋိအက္ခတွေရှိတတ်ကြပါတယ်။ ရန်ဖြစ်တယ်ဆိုတာမဆန်းပါဘူး… ဒါပေမယ့်အကြောင်းပြချက်အမျိုးမျိုးတော့ရှိတတ်ကြပါတယ်။ အဲဒါကြောင့် အိမ်ထောင်ကွဲတဲ့အထိ ပြဿနာမဖြစ်ခင် ဝေးဝေးကနေရှောင်ထားနိုင်ဖို့ ရည်ရွယ်ပြီး မှားယွင်းတဲ့အပြုအမူတွေကို စုစည်းပေးထားပါတယ်။


၁။ လင်မယားအနေနဲ့ ပြဿနာကို သင်လျစ်လှူရှုထားတယ်ဆိုရင်..

ဒါသင်လုပ်ကောင်းလုပ်နိုင်တဲ့ မှားယွင်းတဲ့အရာပဲဖြစ်ပါတယ်။ ပြဿနာကို မသိသလိုခေါင်းရှောင်ထားခြင်းဟာ သေးသေးလေးကို အကြီးကြီးဖြစ်သွားအောင် လုပ်လိုက်တာနဲ့အတူတူပါပဲ။ အဲလိုလုပ်ရမယ့်အစား ပြဿနာဆိုတာဖြစ်လာတာနဲ့ တချိန်တည်းမှာပဲ သင့်အိပ်ခန်းကိုသန့်ရှင်းရေးလုပ်သလို ချက်ချင်းရှင်းလင်းသင့်ပါတယ်။


၂။ သင်တို့နှစ်ဦးပက်သတ်မှုအတွက် ကိုယ်တိုင်ပါဝင်လုပ်ဆောင်မှုမရှိခြင်း…

ကားအင်ဂျင်လိုပါပဲ… အမြဲတမ်းဆီဖြည့်ပြီး စက်နှိုးပေး လှုပ်ရှားပေးဖို့လိုအပ်ပါတယ်။ အနည်းဆုံးတော့ သင့်အနေနဲ့ ဒီပက်သတ်မှုအတွက် ကိုယ်တိုင်ကြိုးစားအားထုတ်မှုတော့ လုပ်သင့်ပါတယ်။ သူ့ကိုမစောင့်ပါနဲ့။ ကိုယ်တိုင်အဓိကဇာတ်ဆောင်ဖြစ်တဲ့အတွက် သင်ပဲအစအဆုံးလှုပ်ရှားမယ့်သူဖြစ်ကြောင်း အမြဲသတိရပါ။


၃။ ထိရောက်တဲ့ဆက်ဆံခြင်းကို ဘယ်လိုရနိုင်မလဲဆိုတာ သင်လေ့လာခြင်းမရှိဘူးဆိုရင်…

ကိုယ်နဲ့အတူနေထိုင်တဲ့လူဟာ ဘယ်လိုစိတ်ထားရှိလဲဆိုတာလောက်ကိုတော့ အကြမ်းဖျင်းသိထားသင့်ပါတယ်။ လေ့လာပါ။ သင်အသေအချာသိထားတယ်ဆိုရင်တော့ ပြဿနာထင်တာထပ်ပိုပြီး ဖြေရှင်းရလွယ်ကူသွားလိမ့်မယ်။ ရှင်းလင်းတဲ့ဆက်ဆံရေးမျိုးနဲ့ စကားပြောခြင်း၊ သူတစ်ပါးထံသေချာဂရုစိုက်နားထောင်ပေးခြင်း နဲ့ အချိန်ပေးခြင်း စတဲ့နှစ်သက်ဖွယ်အလေ့အထတွေကိုလည်း သင်ကိုယ်တိုင်သင်ယူထားမှ ဘယ်သူနဲ့မဆို အဆင်ပြေမှာဖြစ်ပါတယ်။


၄။ လင်မယားဖြစ်ပေမယ့် အတူရှိနေတဲ့အချိန်နည်းနေပြီဆိုရင်…

တစ်ယောက်နဲ့တစ်ယောက်အချိန်မပေးဘူးဆိုရင်တော့ ဒီအိမ်ထောင်ရေးဟာ တည်မြဲဖို့အလားအလာနည်းသထက်နည်းလာမှာဖြစ်ပါတယ်။ သင်ကိုယ်တိုင်အချိန်မပေးဘူးဆိုရင်တော့ အဆက်အသွယ်မရှိသလို ဝေးကွာနေသလို သင်ခံစားလာမှာပဲဖြစ်ပါတယ်။ အဲဒါကြောင့် အတူလမ်းလျှောက်ပါ၊ ဒိုင်ယာရီအတူရေးပါ၊ ဟာသရယ်စရာစကားလေးတွေအတူပြောပါ။


၅။ လုပ်စရာရှိတာတွေ ခွဲဝေပြီးမလုပ်ဘူးဆိုရင်…

အိမ်သန့်ရှင်းရေးလုပ်ခြင်းတစ်ခုတည်းနဲ့တင် ရန်ဖြစ်တဲ့အိမ်ထောင်ရှင်တွေ တပုံကြီးပါ။ အသေးမွှားပြဿနာဆိုပေမယ့် များလာရင် အိမ်ထောင်ပျိုကွဲတဲ့အကြောင်းပြချက်အထိ ဖြစ်လာတာ ကြားဖူးကြလိမ့်မယ်ထင်ပါတယ်။ အဲဒါကြောင့် ကိုယ်တတ်နိုင်သလောက်အလုပ်ကို အတူဝိုင်းလုပ်ပြီးတော့ ကိုယ်ကတောင်မလုပ်ချင်တဲ့အလုပ်ကို သူ့အားမဖြစ်မနေအတင်းလုပ်ခိုင်းတာတွေကိုတော့ ရှောင်ကျဉ်သင့်ပါတယ်။