အမျိုးသားနေ့ တို့မမေ့


အမျိုးသားနေ့ကိုဘာလို့မမေ့သင့်တာလဲ စာဖတ်ပရိသတ်တို့စဉ်းစားဖူးကြပါသလား?
တန်ဆောင်းမုန်းလပြည့်ကျော(၁၀)ရက်နေ့က “အမျိုးသားနေ့” ဆိုတာကို သိကြပေမယ့် ဘာလို့မမေ့သင့်သလဲဆိုတာကိုတော့ သတိမပြုမိသူများမယ်လို့ ထင်ပါတယ်။ ဘာလို့မမေ့သင့်သလဲဆိုရင် မြန်မာကိုဂုတ်သွေးစုပ်ခဲ့တဲ့ နယ်ချဲ့အင်္ဂလိပ်တွေကို တော်လှန်ဖို့ စတင်ခဲ့တဲ့နေ့စွဲတစ်ခုဖြစ်တာကြောင့်ပါ။ အမျိုးသားနေ့သမိုင်းကြောင်း ကို အကျဉ်းချုပ်ပြောပြချင်ပါတယ်။


ဗြိတိသျှအစိုးရတို့ရဲ့ နယ်ချဲ့ရေးမှာ သူတို့အဓိကအသုံးပြုတဲ့ပင်မလက်နက်က ပညာရေးပါ။ နိုင်ငံတစ်နိုင်ငံရဲ့ ပညာရေးကိုဇောက်ထိုးမိုးမြော်လှန်ပစ်ပြီး ပညာမတတ်သူတွေများလာလေ ကျွန်ပြုကောင်းလေဆိုတဲ့ မူ ကိုကျင့်သုံးခဲ့ကြတာဖြစ်ပါတယ်။ ဒါကြောင့်လည်း ၁၉၂၀ပြည့်နှစ်၊ ဇွန်လမှာ ထုတ်ပြန်ခဲ့တဲ့ “ရန်ကုန်တက္ကသိုလ်အက်ဉပဒေကြမ်းကြီး” မှာ


(၁) မြန်မာပြည်တွင် တက္ကသိုလ်တစ်ခုတည်းသာရှိရမည်။ တက္ကသိုလ်လက်အောက်တွင် ကောလိပ်တစ်ကျောင်းသာရှိရမည်။
(၂) ကောလိပ်ကျောင်း၌ ပညာသင်လိုသူများကျောင်းအိပ်ကျောင်းစားသာဖြစ်ရမည်။
(၃) တက္ကသိုလ်ဝင်စာမေးပွဲမထားရှိတော့ဘဲ အစိုးရကပြုလုပ်သော ဟိုက်စကူးဖိုင်နယ်ခေါ် ဆယ်တန်းစာမေးပွဲကိုအောင်ရမည်။ အင်္ဂလိပ်ဘာသာနှင့်အခြားဘာသာတစ်ခုတွင် ထူးချွန်စွာတတ်မြောက်အောင်မြင်မှ တက္ကသိုလ်ဝင်ခွင့်ရမည်။
(၄)ဂုဏ်ထူးနှင့်ဝိဇ္ဇာဘွဲ့တန်းတွင် တစ်ခါဖြေဆို၍မအောင်မြင်လျှင် နောက်နောင်ဖြေဆိုခွင့်မပြု။
(၅) ဟိုက်စကူးဖိုင်နယ်အောင်၍တက္ကသိုလ်သို့ဝင်ခွင့်ရသော်လည်း တက္ကသိုလ်ပညာရပ်များကိုလိုက်နာရန် ပြင်ဆင်မှုအတန်းတွင်တစ်နှစ်နေရမည်။
(၆) ပြင်ဆင်မှုအတန်းတွင် တစ်နှစ်နေသော်လည်း နှစ်ကုန်သည့်အခါတက္ကသိုလ်ပညာများကို လိုက်နာရန်အရည်အချင်းမရှိသေးဟုဆိုလျှင် တက္ကသိုလ်ပညာကို ဆက်လက်သင်ခွင့်ရဦးမည်မဟုတ်။
စတဲ့ မြန်မာ့လူငယ်တို့အတွက်မလွယ်ကူတဲ့ ပညာရေးဉပဒေတွေကို ထုတ်ပြန်လာပါတယ်။


ဒီ ဥပဒေမူကြမ်း ကို ခေတ်ပညာတတ်လူငယ်တို့ ကန့်ကွက်ပေမယ့် ဒီဇင်ဘာ ၁ ရက်နေ့မှာ မြန်မာပြည်ဘုရင်ခံ ဆာရယ်ဂျီနယ်ကရက်ဒေါက်က တင်သွင်းခဲ့ပါတယ်။


ဒါကြောင့် ရန်ကုန်တက္ကသိုလ်ကျောင်းသားလူငယ်များ သပိတ်မှောက်ကာ တက္ကသိုလ်အက်ဉပဒေကို ဆန့်ကျင့်ခဲ့ကြရာ မြန်မာတစ်မျိုးသားလုံးကပါ ညီညီညွှတ်ညွှတ်ဆန့်ကျင်သပိတ်မှောက်ပါဝင်ခဲ့ကြပါတယ်။ ဒီ သပိတ်မှောက်ပွဲ က ဗြိတိသျှအစိုးရကို ဆန့်ကျင်ဖို့ပထမဆုံးလမ်းစ ဖြစ်သည့်အပြင် မြန်မာအမျိုးသားတစ်ရပ်လုံးရဲ့ ဝံသာနုစိတ်ဓာတ်ကို အမြင့်ဆုံးရောက်အောင်မြှင့်တင်ပေးခဲ့တဲ့ သမိုင်းဝင်ဖြစ်ရပ်တစ်ခုဖြစ်တဲ့အတွက် “ အမျိူးသားနေ့ တို့မမေ့အပ်” ခြင်းဖြစ်ပါတယ်။


“၂၀၂၀ ခုနှစ်တွင် ကျရောက်မည့် နှစ် ၁၀၀ ပြည့် အမျိုးသားအောင်ပွဲနေ့ကို တိုင်းရင်းသားပြည်သူအားလုံး ကြိုဆိုပူးပေါင်းဆောင်ရွက်ကြပါစို့။”



အမျိုးသားနေ့ တို့မမေ့


အမျိုးသားနေ့ကိုဘာလို့မမေ့သင့်တာလဲ စာဖတ်ပရိသတ်တို့စဉ်းစားဖူးကြပါသလား?
တန်ဆောင်းမုန်းလပြည့်ကျော(၁၀)ရက်နေ့က “အမျိုးသားနေ့” ဆိုတာကို သိကြပေမယ့် ဘာလို့မမေ့သင့်သလဲဆိုတာကိုတော့ သတိမပြုမိသူများမယ်လို့ ထင်ပါတယ်။ ဘာလို့မမေ့သင့်သလဲဆိုရင် မြန်မာကိုဂုတ်သွေးစုပ်ခဲ့တဲ့ နယ်ချဲ့အင်္ဂလိပ်တွေကို တော်လှန်ဖို့ စတင်ခဲ့တဲ့နေ့စွဲတစ်ခုဖြစ်တာကြောင့်ပါ။ အမျိုးသားနေ့သမိုင်းကြောင်း ကို အကျဉ်းချုပ်ပြောပြချင်ပါတယ်။


ဗြိတိသျှအစိုးရတို့ရဲ့ နယ်ချဲ့ရေးမှာ သူတို့အဓိကအသုံးပြုတဲ့ပင်မလက်နက်က ပညာရေးပါ။ နိုင်ငံတစ်နိုင်ငံရဲ့ ပညာရေးကိုဇောက်ထိုးမိုးမြော်လှန်ပစ်ပြီး ပညာမတတ်သူတွေများလာလေ ကျွန်ပြုကောင်းလေဆိုတဲ့ မူ ကိုကျင့်သုံးခဲ့ကြတာဖြစ်ပါတယ်။ ဒါကြောင့်လည်း ၁၉၂၀ပြည့်နှစ်၊ ဇွန်လမှာ ထုတ်ပြန်ခဲ့တဲ့ “ရန်ကုန်တက္ကသိုလ်အက်ဉပဒေကြမ်းကြီး” မှာ


(၁) မြန်မာပြည်တွင် တက္ကသိုလ်တစ်ခုတည်းသာရှိရမည်။ တက္ကသိုလ်လက်အောက်တွင် ကောလိပ်တစ်ကျောင်းသာရှိရမည်။
(၂) ကောလိပ်ကျောင်း၌ ပညာသင်လိုသူများကျောင်းအိပ်ကျောင်းစားသာဖြစ်ရမည်။
(၃) တက္ကသိုလ်ဝင်စာမေးပွဲမထားရှိတော့ဘဲ အစိုးရကပြုလုပ်သော ဟိုက်စကူးဖိုင်နယ်ခေါ် ဆယ်တန်းစာမေးပွဲကိုအောင်ရမည်။ အင်္ဂလိပ်ဘာသာနှင့်အခြားဘာသာတစ်ခုတွင် ထူးချွန်စွာတတ်မြောက်အောင်မြင်မှ တက္ကသိုလ်ဝင်ခွင့်ရမည်။
(၄)ဂုဏ်ထူးနှင့်ဝိဇ္ဇာဘွဲ့တန်းတွင် တစ်ခါဖြေဆို၍မအောင်မြင်လျှင် နောက်နောင်ဖြေဆိုခွင့်မပြု။
(၅) ဟိုက်စကူးဖိုင်နယ်အောင်၍တက္ကသိုလ်သို့ဝင်ခွင့်ရသော်လည်း တက္ကသိုလ်ပညာရပ်များကိုလိုက်နာရန် ပြင်ဆင်မှုအတန်းတွင်တစ်နှစ်နေရမည်။
(၆) ပြင်ဆင်မှုအတန်းတွင် တစ်နှစ်နေသော်လည်း နှစ်ကုန်သည့်အခါတက္ကသိုလ်ပညာများကို လိုက်နာရန်အရည်အချင်းမရှိသေးဟုဆိုလျှင် တက္ကသိုလ်ပညာကို ဆက်လက်သင်ခွင့်ရဦးမည်မဟုတ်။
စတဲ့ မြန်မာ့လူငယ်တို့အတွက်မလွယ်ကူတဲ့ ပညာရေးဉပဒေတွေကို ထုတ်ပြန်လာပါတယ်။


ဒီ ဥပဒေမူကြမ်း ကို ခေတ်ပညာတတ်လူငယ်တို့ ကန့်ကွက်ပေမယ့် ဒီဇင်ဘာ ၁ ရက်နေ့မှာ မြန်မာပြည်ဘုရင်ခံ ဆာရယ်ဂျီနယ်ကရက်ဒေါက်က တင်သွင်းခဲ့ပါတယ်။


ဒါကြောင့် ရန်ကုန်တက္ကသိုလ်ကျောင်းသားလူငယ်များ သပိတ်မှောက်ကာ တက္ကသိုလ်အက်ဉပဒေကို ဆန့်ကျင့်ခဲ့ကြရာ မြန်မာတစ်မျိုးသားလုံးကပါ ညီညီညွှတ်ညွှတ်ဆန့်ကျင်သပိတ်မှောက်ပါဝင်ခဲ့ကြပါတယ်။ ဒီ သပိတ်မှောက်ပွဲ က ဗြိတိသျှအစိုးရကို ဆန့်ကျင်ဖို့ပထမဆုံးလမ်းစ ဖြစ်သည့်အပြင် မြန်မာအမျိုးသားတစ်ရပ်လုံးရဲ့ ဝံသာနုစိတ်ဓာတ်ကို အမြင့်ဆုံးရောက်အောင်မြှင့်တင်ပေးခဲ့တဲ့ သမိုင်းဝင်ဖြစ်ရပ်တစ်ခုဖြစ်တဲ့အတွက် “ အမျိုးသားနေ့ တို့မမေ့အပ်” ခြင်းဖြစ်ပါတယ်။


“၂၀၂၀ ခုနှစ်တွင် ကျရောက်မည့် နှစ် ၁၀၀ ပြည့် အမျိုးသားအောင်ပွဲနေ့ကို တိုင်းရင်းသားပြည်သူအားလုံး ကြိုဆိုပူးပေါင်းဆောင်ရွက်ကြပါစို့။”